03 мар 13:00
Янгиликлар

Олимпия ўйинлари, Қишки спорт турлари

Халқаро паралимпия қўмитаси кутилмаган қарорни қабул қилди

4 март куни Хитойнинг Пекин шаҳрида қишки Паралимпия ўйинларига старт берилади.

Бугун Халқаро паралимпия қўмитаси Россия ва Беларусь спортчилари бу мусобақада иштирок этмасликларини эълон қилди.

Аввалроқ, Халқаро Паралимпия қўмитаси Россия терма жамоаси Пекинда бўлиб ўтадиган Паралимпия ўйинларида нейтрал мақомда иштирок этишини маълум қилган эди. Шунингдек, Беларусь терма жамоаси ҳам нейтрал мақомда қатнашиши хабар қилинганди. Иккала жамоа ҳам Паралимпия байроғи остида иштирок этиши керак эди. Аммо бугун Халқаро Паралимпия қўмитаси бу қарорни ўзгартириб, иккала терма жамоани ҳам Паралимпия ўйинларидан четлатди.

Эслатиб ўтамиз, қишки Паралимпия ўйинлари 4-13 март кунлари Хитойда бўлиб ўтади.