Халқаро шахмат академиясида "Тошкент ёзи" рейтинг турнири якунланди ФОТОГАЛЕРЕЯ

Тўққиз тур якунларига кўра, Абдулазиз Қурбонов “А” гуруҳида 1-ўринни эгаллади. Кейинги ўринлар Акбарали Абдуҳакимов ва Комилжон Азизовларга насиб этди. Шоҳина Аҳмедова қизлар ўртасида ғолиблик шоҳсупасининг энг юқори поғонасидан жой олди.

Фахрийлар ўртасида кечган беллашувларда Абдуғаффор Одилбоевга ҳеч ким тенглашолмади. Рауф Қосимов (12 ёшгача) билан Шерали Равшанов (16 ёшгача) ҳам ўз гуруҳларида пешқадам бўлди.

“Б” гуруҳида Билолиддин Обидов ғолибликни қўлга киритди. 2-ўринни Алан Исаев эгаллаган бўлса, 3-ўрин  Шаҳзод Тоштемировга насиб этди. Бунёд Собиржонов ва Эъзозбек Маҳмудовлар ҳам ўз гуруҳларида ғолиб бўлишди. Қизлар ўртасида ўтган баҳсларда Александра Юрченко, Моҳинахон Каримова ва Нилуфар Маҳмудоваларнинг қўли баланд келди.

Алимурод МАМАДАМИНОВ, ўз мухбиримиз