Хамзат Чимаев Ислам Махачевнинг жангига баҳо берди

"Ислам ўз ишини қилди. Менинг хаёлимда ҳаммаси айнан шундай бўлиши керак эди. Йен Гэрри бўйи баланд, ноқулай рақиб, Ислам эса ҳозир 70 кг вазнда эмас, балки йигитлар бироз оғирроқ бўлган 77 кг вазнда жанг қилмоқда. Агар улар енгил вазн тоифасида жанг қилишганида, Ислам уни муддатидан олдин таслим этган бўларди", — деди "Борз" "Ушатайка" каналига берган интервьюсида.

Ирландиялик жангчига қарши баҳсдан сўнг Ислам Махачев декабрь ёки январь ойида чемпионлик камарини навбатдаги ҳимоя жангини ўтказишга тайёрлигини маълум қилган ва энг эҳтимолий рақиб сифатида бразилиялик Карлос Пратесни тилга олганди.

Жорий йилнинг май ойида Шон Стрикленд билан қарама-қаршиликда UFC ўрта вазн тоифасидаги чемпионлик камарини бой берган Хамзат Чимаев эса бугун Москвада бўлиб ўтадиган RAF турнирининг асосий беллашувида Тайрон Вудли билан тўқнаш келади.