Хамзат Чимаев: "Мақсадим - RAF чемпиони бўлиш!"

БАА шарафини ҳимоя қилаётган чеченистонлик аралаш яккакураш устаси октагон ташқарисида ҳам ўз олдига энг юксак мақсадларни қўймоқда. 

"Қаерга борсам ҳам, энг яхшиси бўлишни хоҳлайман - шунинг учун RAF чемпиони бўлишни истайман. Бу чемпионлик камари ҳам менга керак. Кураш билан шуғулланмаганимга анча вақт бўлди, лекин мен спорт залида кураш маҳоратим устида тинимсиз ишладим ва уларни RAFнинг катта шоусида намойиш этишга, ўша йигит ҳали ҳам шу ерда эканлигини ҳаммага кўрсатишга тайёрман. Мен астойдил тайёргарлик кўрдим, катта меҳнат қилдим ва кураш гиламига чиқишимдан хурсандман", - деди "Borz" RAFга берган интервьюсида.

Эслатиб ўтамиз, бир ой аввал Хамзат Чимаев ўрта вазн тоифасида UFC чемпионлик камарини Шон Стриклендга ҳакамларнинг айри қарори билан бой берганди. Унинг Диллон Денис билан жанги эса 14 июнь куни тонг саҳарда Сент-Луисда бўлиб ўтадиган RAF 10 турнирининг асосий воқеаси бўлади.