Хамзат Чимаев Перейра ва Тейшейранинг чақирувларига жавоб берди

Перейра Хамзатни жиу-житсу жангига чақирган бўлса, Гловер биринчи учрашувдаёқ муштлашиш таклифини берган.

"UFC менга Перейрани бермаслигини ҳамма билади. Бу йигитнинг айтишича, у мен билан жиу-житсу, кураш ёки грепплинг бўйича жанг қилишга тайёр, аммо бу бизнинг ишимиз эмас. Бизнинг ишимиз - UFC’даги жанглар. У Дю Плесси билан жанг қилишга тайёр эди, у бу жангга рози бўлди, лекин энди у: "Бу Хамзат, мен учун яхши жанг эмас" деб ўйлаяпти. Унинг айтишича, у машҳурроқ, шунинг учун мен унинг исмидан фойдаланаман, лекин мен ижтимоий тармоқларда шунчаки "салом" дейман ва бу пост унинг жангларидан кўра кўпроқ кўришлар тўпламоқда. Шундай экан, у мендан кўра машҳурроқ йигит деб ўйламайман.

Унинг мураббийи Тейшейра мен билан меҳмонхонада ёки бошқа жойда жанг қилишини айтди. Лекин биродар, биз буни меҳмонхонада қилишимиз шарт эмас. Сен UFC’га қайтишинг керак, сенинг шартноманг бор. Жанг қилмоқчи бўлсанг - олға! Бу бачкана гапларни нима учун гапираётганини билмайман. Лекин агар у ростакамига муштлашмоқчи бўлса, биз буни уюштирамиз. Кўрамиз, кимнинг жасорати кўпроқ экан. Исталган жойда муштлашишга қийналмайман. Меҳмонхонами, бошқа жойми - фарқи йўқ. Аммо бизнинг ишимиз UFC’да. Октагонга чиқ, муштлаш, пул топ ва одамларга ҳақиқий жангчи кимлигини кўришга имкон бер", - деди "Borz" ESPN’га берган интервьюсида.

Аввалроқ, Хамзат Чимаев Рамазон ойидан кейин чемпионлик камарининг илк ҳимоясини ўтказмоқчи эканини маълум қилганди.