Хамзат Чимаев шартнома имзолади + ПОСТЕР

Ўрта вазн тоифасида UFC чемпиони май ойида америкалик Шон Стриклендга қарши жангда чемпионлик камарини ҳимоя қилганидан кейин Real American Freestyle профессионал курашчилар Лигасида дебют қилади. Промоушен Хамзат билан шартнома имзоланганини бугун Филадельфияда ўтказилган RAF 8 турнирида расман эълон қилди. 

Эркин кураш Хамзат учун бегона эмас. У аралаш яккакурашдаги фаолиятини бошлашдан олдин бир неча бор Швецияда эркин кураш бўйича ўтказилган мамлакат чемпионатида ғолиб чиққан. 31 ёшли Чимаев ММАдаги фаолиятида 15 та жангдан иборат ғалабали серияни давом эттирмоқда. Охирги жангида у жанубий африкалик Дрикус Дю Плессини мағлуб этиб, UFC чемпионлик камарини қўлга киритганди.

Хамзат Чимаев ва Шон Стрикленд ўртасидаги чемпионлик жанги 9 май куни Ньюаркда бўлиб ўтадиган UFC 328 турнирининг асосий воқеаси бўлади.