Хамзат Чимаев UFC 300 турнирининг марказий жангида октагонга чиқиши мумкин

Маълумотларга қараганда, бу ҳолат ушбу жангга асосий даъвогарлардан бири Хамзат Чимаевнинг ҳали ҳамон АҚШ визасини ололмаётгани билан боғлиқ экан. Бу ҳақда "ММА соати" кўрсатувида таниқли спорт шарҳловчиси Ариэль Хельвани хабар берди. Унинг айтишича, "Борз"нинг рақиби яримўрта вазнда амалдаги UFC чемпиони Леон Эдвардс бўлади.

"Билишимча, UFC кўриб чиқаётган асосий жанг бу Хамзат Чимаев - Леон Эдвардс тўқнашуви. Дана Уайт ўз интервьюларида бунга бир неча бор ишора қилди. Хамзат сўнгги бор икки йил олдин АҚШда жанг қилганди", - дейди Хельвани. 

Эслатиб ўтамиз, икки ой олдин Леон Эдвардс ўзининг иккинчи чемпионлик ҳимоя жангини муваффақиятли ўтказганди. Ўшанда у Лас-Вегасда ўтган UFC 296 турнирида Колби Ковингтонни беш раунд жанг якунларига кўра ҳакамларнинг якдил қарори билан мағлубиятга учратган эди.