Хамзат Чимаев UFC`даги навбатдаги жанги бўйича вазиятга ойдинлик киритди

"Борз"нинг сўзларига кўра, икки потенциал рақиби — Кайо Борральо ва Дрикус Дю Плесси жароҳат олгани сабабли жанг қила олмайди. Ўзи эса, агар зарурат туғилса, йил охирига режалаштирилган Шон Стрикленд ва Нассурдин Имавов ўртасидаги чемпионлик жангида захира варианти бўлишга тайёр.

"Мен ҳаммага чақириқ ташлаяпман, тезроқ қайтишни хоҳлайман. Аввалроқ октябрда қайтишни истаётганимни айтгандим. Хантерга қўнғироқ қилдим – менга Кайо ва Дю Плесси жароҳат олганини айтишди. Кўрамиз, нима бўлар экан, аниқ билмайман. Балки Имавов ва Стрикленд жанг қилмас, нимадир юз берар – мен исталган рақиб билан чиқишга тайёрман", — деди Чимаев Red Corner ММА"га берган интервьюсида.

Маълумот учун, Стрикленд ва Имавов ўртасидаги чемпионлик жанги ҳали расман эълон қилинмаган, аммо тахминларга кўра, у 12 декабрь куни Лас-Вегасда бўлиб ўтадиган UFC 335 турнирининг марказий жанги бўлади. Бу турнир ташкилотнинг жорий йилдаги сўнгги рақамли мусобақаси ҳисобланади.