19 июн 17:02
Янгиликлар

Бокс/ММА

Хамзат Чимаев UFC`га илтимос билан мурожаат қилди

Асли келиб чиқиши чеченистонлик бўлган Хамзат Чимаев белгиланган вақтдан эртароқ октагонга қайтишга тайёр эканини маълум қилди.

"Борз"нинг сўзларига қараганда, у навбатдаги жангини 2 сентябрь кунига белгиланган Париждаги UFC Fight Night 227 турнирида ўтказа олади. Кейин эса 21 октябрь кунги Абу-Дабидаги UFC 294 турнирида ҳам октагонга чиқаверади.

"Мен Парижда жанг қилишга тайёрман, кейин эса Абу-Дабида! Менга мағлуб этишим учун кимнидир беринглар, UFC", - дея ижтимоий тармоқдаги саҳифасида хабар қолдирган Чимаев.

Бир ҳафта аввал UFC президенти Дана Уайт Чимаевнинг кейинги рақиби ярим ўрта вазнда собиқ UFC чемпиони Камару Усман бўлишини инкор этганди. Кеча эса америкалик Жаред Каннонир Хамзатга қарши октагонга чиқишга розилигини айтган эди. Фақат Жаред бу жанг даъвогарлик характерида бўлиши кераклигини шарт сифатида қўйганди.