01 ноя 11:31
Янгиликлар

Бокс/ММА

Хасбик экстремизм бўйича айбловда текширилади

Mash Телеграм каналининг хабар беришича, Хасбик номи билан машҳур блогер Хасбулла Магомедов Россия Федерацияси Жиноят кодексининг 282-моддаси (антисемитизм ва Доғистонда тартибсизликларга чақирувлар) бўйича текширилади.

Манбага кўра, унинг обуначиларидан бири блогерга қарши ариза ёзган. Хасбик томонидан эълон қилинган "Биз яҳудий қочқинларга қаршимиз" деган расм аризачига ёқмаган. Магомедов, шунингдек, яҳудийларга квартира ижарага бермаслик, уларни машинада олиб юрмаслик ва муассасаларда хизмат қилмасликка чақирган.

Бундан ташқари, Хасбулла яҳудийларга бошпана бераётган Хасавюртдаги "Фламинго" меҳмонхонаси раҳбариятини танқид қилган. Камига меҳмонхона кулга айланишини ёзган.

Эслатиб ўтамиз, Хасбик ўзининг антропометрик кўрсаткичлари сабаб машҳур бўлган: унинг бўйи 98 см, вазни эса атиги 19 кг. 2022 йилда блогер UFC билан беш йиллик шартнома имзолаганини эълон қилган эди.