Хави "Барселона" мураббийи сифатидаги қийинчилик ҳақида гапирди

"Сизни муҳокама ва танқид қилишади..."Барселона" захира ўриндиғида азоб чекасиз. Клуб тизимидан чиққан инсон бўлсангиз ҳам, бу ерда ишлаш осон эмас. "Камп Ноу"да бир йил ўн йилга тенг.

Менинг келажагим натижаларга боғлиқ. Юқори савиядаги мураббий бўлса ҳам, ҳаммаси ўз қўлида бўлмайди. "Барселона"нинг умидлари жуда катта ва биз уларни оқлашимиз керак. "Барса" Ла Лигада чемпионлик учун курашади — ҳозир жадвалда пешқадаммиз. Шунингдек, Европа Лигаси ғолиблиги учун кураш олиб борамиз", — деди Хави.