Хави "Барселона"нинг кечаги аламли мағлубияти ҳақида нималар деди?

"Ҳар икки жамоада кўплаб яхши имкониятлар бўлди. Биз яхши ўйин кўрсатдик, айниқса биринчи бўлимда. Бир нечта хатоларни ҳисобга олмаганда, жамоам ажойиб ўйин кўрсатди. Менимча, бугун ғалаба лойиқ эдик. Аммо рақиб ҳам бугун яхши савиядаги футболни намойиш этди. Бугун рақибдан тўпни олиб қўйишда анча қийинчиликка учрадик.

Шунингдек кўплаб баҳсли вазиятларда ҳакамлар бизнинг зараримизга қарор чиқаришди. Мен ҳакамларнинг ҳаракатларини гапирмасам яхши бўлардик, бироқ уларнинг ўзлари шунга ўхшаш ҳаракатлари билан мени ҳакамлик ҳақида гапиришимга мажбур қилишади.

Нима бўлганда ҳам биз бугун уч очкога ҳақли ўйин кўрсатдик. Бугун биз ғалаба билан уйга қайтишимиз керак эди", — деди Хави.