Хави: "Ҳеч қачон ўзимни "Олтин тўп"дан маҳрум қилинган, деб ҳисобламаганман"

"Месси мендан яхшироқ ўйинчи, бунга шубҳа йўқ, таққослаш бемаънилик. У 2010 йилги "Олтин тўп"ни қўлга киритган заҳотиёқ адолат қарор топганини ҳис қилганман. Ҳеч қачон ўзимни "Олтин тўп"дан маҳрум қилинган, деб ҳисобламаганман”, – деди Хави.

Эслатиб ўтамиз, Хави 2010 йилги "Олтин тўп" маросимида учинчи ўринни эгаллаган. Унинг жамоадоши Иньеста эса иккинчи поғонани банд этган.

2010 йилда Хави Испания терма жамоаси билан Жаҳон чемпионатида ғолиб чиққан ва мавсумнинг энг яхши футболчисига бериладиган индивидуал мукофотни қўлга киритиш учун фаворитлардан бири ҳисобланган.