Хави Пикега: "Энди камроқ ўйнайсан"

Қайд этилишича, жамоа сардорларидан бири ўзига берилаётган дақиқаларнинг камлигидан норози. Мураббий эса Кристенсин, Гарсия, Кунде ва Араухога кўпроқ ишонч билдирмоқда.

Умуман олганда, Пике "Spotify Camp Nou"да бешинчи ҳимоячига айланди ва барча мусобақаларда икки марта, жами 135 дақиқа майдонда ҳаракат қилди.

Бу 35 ёшли футболчининг ҳафсаласини пир қилган. Хабарларга кўра, Пике ўтган ҳафта "Аллианц Арена"да "Бавария"дан учралган мағлубиятдан кейин кийиниш хонасида унга имконият берилмаганидан шикоят қилган.

Хави марказий ҳимоячининг гапларини эшитди ва фахрий клуб сардорига шундай деган: "Энди камроқ ўйнайсан".

"Барселона" раҳбарияти айни дамда испаниялик футболчининг тезроқ фаолиятини якунлашини истамоқда, қолаверса, унинг клуб учун текинга ўйнаши ҳақида ваъдасида туришига умид қилмоқда.