Хайр Тошкент, салом Токио! Дзюдочиларимиз яхши ниятлар ила Олимпиадага йўл олишди + ФОТОРЕПОРТАЖ

Дзюдочиларимиз Токиога киришдан аввал Майдзуру шаҳрида Олимпиадага тайёргарлик босқичидан ўрин олган сўнгги ўқув-машғулот йиғинини ўтказади. Майдзуру - япон денгизи соҳилида жойлашган Киото префектурасидаги порт шаҳар ҳисобланади. 

Ўзбекистон дзюдо федерацияси Олимпиадага муносиб тайёргарлик кўриш мақсадида Майдзуруга иккита таркибни жўнатди. Иккинчи таркиб машғулотларда Олимпиадада юртимиз шарафини ҳимоя қиладиган дзюдочиларимизга ёрдам беради. Майдзурудаги ўқув-машғулот йиғини 19 июлга қадар давом этади ва шундан сўнг терма жамоамиз делегацияси Токио шаҳридаги олимпия қишлоғига йўл олади.

Эслатиб ўтамиз, ўзбек дзюдоси тарихида илк бор 10 (7 эркак, 3 аёл) нафар спортчимиз тўрт йилликнинг энг нуфузли мусобақасида медаллар учун татамига чиқади. Шунингдек, тарихда илк бор жамоамий баҳсларда ҳам иштирок этамиз.