Хитой компанияси дастлабки қиймати 43 млн доллар сармоя билан "Истиқлол" стадионини кенгайтириш бўйича лойиҳа тақдим этди + ФОТО

Учрашувда ўзаро ҳамкорликни йўлга қўйиш ҳамда истиқболли лойиҳаларни амалга ошириш масалалари юзасидан фикр алмашилди. Хусусан, Фарғона шаҳрида жойлашган "Истиқлол" стадионини реконструкция қилиш ва кенгайтириш бўйича лойиҳа таклифи муҳокама қилинди.

Мулоқот чоғида мамлакатимизда, жумладан, Фарғона вилоятида ҳам футболни ривожлантиришга катта эътибор қаратилаётгани алоҳида таъкидланди. Марказий стадионни энг замонавий талаблар ва жаҳон стандартларига мос ҳолда барпо этиш, уни йирик футбол мажмуаларидан бирига айлантириш мақсад қилингани қайд этилди.

Вилоят ҳокими тақдим этилган таклифлар билан танишиб, лойиҳаларни янада такомиллаштириш ва ҳамкорликда ишларни давом эттиришга келишилди. Суратдан кўриш мумкинки, лойиҳанинг дастлабки қиймати 43 млн долларни ташкил қилади.