Хивада этноспорт доирасида белбоғли кураш бўйича халқаро турнир ўтказилди ФОТОГАЛЕРЕЯ

Мазкур фестивал доирасида миллий спорт туримиз саналган белбоғли кураш бўйича эркаклар ўртасида бешта вазн тоифасида халқаро турнир ҳам ташкил этилди.

Ўзбекистон Республикаси Ёшлар сиёсати ва спорт вазирлиги ҳамда Жаҳон белбоғли кураш ассоциацияси томонидан ўтказилган халқаро турнирда Ҳиндистон, Мўғулистон, Россия, Озарбайжон, Қозоғистон, Қирғизистон, Тожикистон, Туркманистон каби 10 дан ортиқ давлатларнинг номдор полвонлари ғолиблик йўлида гиламга чиқишди.

Ғолиб ва совриндорлар: 

75 кг вазн тоифаси 

1. Нусрат Юлдошев (Ўзбекистон) 

2. Казбек улу Ирлан (Қирғизистон) 

3. Агаюсуп Гараев (Туркманистон) 

3. Ферузжон Зиёев (Тожикистон). 

82 кг вазн тоифаси

1. Оғабек Аматбаев (Ўзбекистон) 

2. Рўзимурат Медов (Туркманистон)

3. Тарлан Агаев (Озарбайжон) 

3. Елдияр Сексенбаев (Қирғизистон). 

90 кг вазн тоифаси

1. Аннагурбан Аллабердиев (Туркманистон) 

2. Бекзод Абдураҳмонов (Ўзбекистон) 

3. Алиаксандр Крулик (Беларусь)  

3. Нетбахтжон Зиёев (Тожикистон).

100 кг вазн тоифаси

1. Нобатгелди Назаров (Туркманистон) 

2. Булат Мусин (Россия) 

3. Топчубек Алимжан улу (Қирғизистон) 

3. Темур Сейдузов (АҚШ). 

+100 кг вазн тоифаси

1. Нурсултон Кузагелди улу (Қозоғистон) 

2. Раниз Гилязетдинов (Россия) 

3. Тошпўлат Асадов (Ўзбекистон) 

3. Муҳаммад Мамедзода (Озарбайжон). 

Турнир якунига етгач, ғолиб ва совриндорларни тақдирлаш маросими ташкил этилди. Кучли учликдан жой олган полвонлар жаҳон белбоғли кураш конфедрацияси томонидан диплом ва медаллар мукофотланишди. Тақдирлаш маросимида жаҳон белбоғли кураш ассоциацияси президенти Азизбек Ғаниев иштирок этди.

Шунингдек, турнир доирасида Жаҳон белбоғли кураш ассоциацияси президенти Азизбек Ғаниев раислигида навбатдаги конгресс ҳам ташкил этилди. Унда Жаҳон белбоғли кураш ассоциацияси томонидан амалга оширилаётган ишлар сарҳисоб қилинди.

Конгрессда жаҳон белбоғли кураш ассоциацияси президенти Азизбек Ғаниев томонидан Озарбайжон, Литва, Туркманистон, Тожикистон, Қозоғистон, Қирғизистон, Италия, Испания, Россия, Ўзбекистон, Ҳиндистон, Эрон, АҚШ, Швеция, Жанубий Корея, Япония, Хитой, Грузия, Исроил, Мўғулистон, Эстония ҳамда Латвия белбоғли кураш федерацияси раҳбарларига аъзолик сертификатлари топширилди.

Конгресс сўнггида Америка Қўшма Штатлари белбоғли кураш федерацияси вакили, Тошкент-Сиэтл ҳамдўстлик шаҳарлари ассоциацияси раиси Лола Захарова билан АҚШда белбоғли курашни оммалаштириш борасида Жаҳон белбоғли кураш ассоциацияси президенти Азизбек Ғаниев, Осиё белбоғли конфедрацияси раиси Мўмин Муратов ҳамда Ўзбекистон белбоғли кураш федерацияси раиси Равшан Дастировлар билан ҳамкорлик меморандуми имзоланди.

Илҳом РАҲМОНОВ тайёрлади