Хоккей бўйича 2028 йилги жаҳон чемпионати мезбони эълон қилинди

Унда бир қатор масалалар қаторида 2028 йилги катталар ўртасидаги жаҳон чемпионати мезбони ҳам аниқланди. Франциянинг Париж ва Лион шаҳарлари тўрт йилдан кейинги дунё биринчилигини қабул қилади. Бунгача Франция 1951 ва 2017 йилларда ҳам жаҳон чемпионатига мезбонлик қилган эди. 

2028 йилнинг 12-28 май кунлари оралиғида ўтказиладиган жаҳон чемпионати ўйинлари Париждаги муҳташам "Аккор Арена (Берси)" ҳамда Лиондаги "LDLC Arena"да бўлиб ўтади. Дунёнинг 16 та сараланган терма жамоалари жаҳон чемпионлиги учун музга чиқишади. 

Маълумот учун, бу йилги жаҳон чемпионати шу кунларда Чехиянинг Прага шаҳрида ўтказилмоқда ва эртага ўз якунига етади. 2025 йилги дунё биринчилиги Швеция ва Данияда ташкил этилади. 2026 йилги жаҳон чемпионати Швейцарияда, 2027 йилги "мундиал" эса Германияда ўтказилади.