09 фев 15:13
Янгиликлар
Хоккей
Хоккей. Бугун "Ҳумо" Тошкентда мунтазам чемпионатнинг сўнгги ўйинини ўтказади, ўйиндан кейин эса мухлисларни ажойиб тадбир кутмоқда!
Бугун хоккей бўйича Қозоғистон Очиқ чемпионати доирасида "Ҳумо" ҳамда "Актобе" жамоалари ўртасидаги сўнгги, бешинчи учрашув ўтказилади.
Ўйин Тошкент шаҳридаги "Ҳумо Арена"да, соат 19:30 да бошланади. Турнир жадвалида "Ҳумо" айни дамда 77 очко билан иккинчи, "Актобе" эса 53 очко билан еттинчи ўринни эгаллаб турибди.
"Ҳумо" ва "Актобе" жамоалари ўртасида шу кунгача 9 та ўйин ўтказилган, уларнинг 6 тасида вакилларимиз, 3 тасида эса "Актобе" хоккейчиларининг қўли баланд келган.
Аҳамиятлиси, бугунги ўйиндан кейин аренада "Мишкопад" тадбири ташкил этилади. Бундан ташқари, учрашувдан сўнг жамоа мураббийи иштирокида мунтазам чемпионат якунига бағишланган матбуот анжумани ҳам ўтказилади.
Ҳавола :
Манба : olamsport.com
Фикрлар