Хоккей. "Ҳумо" бугун Тошкентда "Бейбарис"га қарши музга чиқади

Жамоалар ўртасидаги Мунтазам чемпионат доирасида ўтказилиши кутилаётган илк учрашув соат 17:00 да, "Ҳумо Арена"да старт олади.

Маълумот учун, "Ҳумо" айни дамда 18 та ўйиндан сўнг турнир жадвалида 34 очко билан пешқадам бўлиб турибди, Атираунинг "Бейбарис" клуби эса 21 очко билан еттинчи ўринни эгаллаб турибди.

Қайд этиш жоиз, ҳозиргача жамоалар ўртасида тўққизта учрашув ўтказилган ва уларнинг олтитасида "Ҳумо" ғалаба қозонган, қолган уч ўйинда эса атирауликларнинг қўли баланд келган. Сўнгги тўртта ўйиндан буён "қанотлилар" "Бейбарис" билан ўйинда фақат ғалаба қозониб келмоқда.