Хоккей. "Ҳумо"нинг "Бейбарис"га қарши кечаги ўйини ноодатий сабаб билан бекор қилинди ва тошкентликларга ғалаба ёзилди

Бироқ ўйин бекор қилинди. Бу ҳақда "Ҳумо" матбуот хизмати хабар бермоқда.

"Бейбарис" жамоаси муз майдони тайёр эмаслиги сабабли 0:5 ҳисобида техник мағлубиятга учради.

Атираудаги электр таъминотидаги узилиш билан боғлиқ форс-мажор ҳолатлар туфайли учрашувни муз майдонида ўтказиш мумкин бўлмай қолди. Қозоғистон чемпионати Регламентининг 6-боби 31-моддаси 4-бандига кўра, агар муз йиғиш машинаси ёки муз майдонида техник носозликлар бартараф этишнинг иложи бўлмаса, майдоннинг мезбон жамоаси 0:5 ҳисобда мағлубиятга учраган деб ҳисобланади. Бундай ўйинлар кунини ўзгартириш ва/ёки такрорлашга йўл қўйилмайди", дейилади хабарда.

Бу жамоаларнинг мунтазам чемпионат доирасидаги сўнгги ўйинлари эди. Шундай қилиб, Тошкентнинг "Ҳумо" жамоаси Қозоғистон мунтазам чемпионатини 79 очко билан иккинчи ўринда якунлади ва плей-офф босқичига йўл олди.