17 фев 16:48
Янгиликлар

Олимпия ўйинлари, Қишки спорт турлари

Хоккей. Канада 8 йиллик танаффусдан сўнг илк бор мағлуб бўлди

Дунёнинг энг кучли хоккей жамоаси ҳисобланган Канада Олимпия ўйинларида 8 йиллик танаффусдан сўнг илк бор мағлубият аламини тотиб кўрди.

Канадаликлар гуруҳ босқич учрашувида Чехия терма жамоасига буллитлар сериясида 2:3 ҳисобида ютқазиб қўйишди. Улар сўнгги бор 2010 йили ўз уйларида, яъни Ванкувер Олимпиадасининг гуруҳ босқичида АҚШ терма жамоасига 3:5 ҳисобида имкониятни бой беришган эди.

Ўша мағлубиятдан кейин Канада терма жамоаси Қишки олимпия ўйинларида кетма-кет 11та ғалабага эришди. Пхёнчхан Олимпиадасининг гуруҳ босқич 2-туридан сўнг канадалик хоккейчилар 4 очко билан 2-ўринни эгаллаб туришибди. Чехия 5 очко билан А гуруҳида пешқадамлик қиляпти.