22 июл 16:58
Янгиликлар
Бокс/ММА
Холдаров ва Олимов Арманистонда илк жангларини ўтказди
Арманистон пойтахтида бокс бўйича ҳаваскорлар ўртасидаги “Yerevan Mayor Cup” халқаро турнири ўтказилмоқда.
Бугун мусобақанинг иккинчи кунида Ўзбекистон терма жамоасининг икки вакили Иқболжон Холдаров ҳамда Самандар Олимов рингга кўтарилди.
-70 кг вазн тоифаси чорак финал баҳсида Иқболжон Холдоров Молдова вакили Владимир Назимкога қарши баҳс олиб борди. Ҳар уч раундда рақибига хеч қандай имконият қолдирмаган ҳолда, 5:0 ҳисобида ғалабага эришган Холдоров ярим финалга йўл олди.
Самандар Олимов эса мезбонлар вакили Арман Арзуманян билан тўқнаш келиб, 4:1 ҳисобида ғалаба қозонди ва ярим финалга йўл олди.
Эртага ушбу турнир ярим финалида яна икки вакилимиз Тўрабек Ҳабибуллаев ҳамда Шаҳзод Музаффаров иштирок этади.
Ҳавола :
Манба : olamsport.com
Фикрлар