14 дек 16:29
Янгиликлар

Бокс/ММА

Холдоров иккинчи жангини ўтказди, Тўлаганов, Шораҳматовда ғалаба ва бошқа натижалар

Шу кунларда Самарқанд олимпия захиралари коллежида бокс бўйича катталар ўртасидаги Ўзбекистон чемпионати бўлиб ўтмоқда.

Бугун -91 кг вазн тоифасида Рио Олимпиадасининг бронза медал совриндори Рустам Тўлаганов илк жангини ўтказди. Пойтахтлик боксчи фарғоналик Ғиёсжон Иминжоновга қарши рингга кўтарилди ва рақибини 5:0 ҳисобида мағлуб этди.

Осиё чемпиони, жаҳон чемпионатининг кумуш медал совриндори Иқболжон Холдоров иккинчи жангида Жўрабой Зокировга ҳеч қандай имконият қолдирмади - 5:0. Холдоров -69 кг вазн тоифасида рингга кўтарилмоқда.

Терма жамоага номзод боксчилардан яна бири фарғоналик Аброржон Қодиров -52 кг вазндаги иккинчи жангини жиззахлик Шукурулло Сангировга қарши ўтказди. Жангда катта устунликка эга бўлган Қодиров 5:0 ҳисобида зафар қучди.

Куннинг биринчи ярмидаги барча жанг натижалари: