Холифилд ҳам Тайсоннинг қулоғини тишлаб олмоқчи бўлганини тан олди

Ўшанда Тайсон Холифилднинг қулоғини тишлаб олганди, кейин эса уни дисквалификация қилишган эди. 

"У қулоғимни тишлаб олган - буни ҳеч ким тасаввур қила олмасди. Сенинг қулоғингни тишлаб олишлари кутилмаган ҳолат. 

Қандай жаҳлим чиққани эсимда. Мен ҳам унга жавобан тишламоқчи бўлганман. Лекин ўша вазиятда жамоа аъзоларимнинг сўзларини эсладим. Улар Тайсон нималардир қилиши мумкинлиги, шундай ҳолатларда хотиржамликни сақлаш кераклигини айтишганди.

Жангни тўхтатишганида ва барчаси жойига тушганида, тўғри иш қилганимни тушуниб етдим. Ўшанда боксни қутқариб қолгандим деб ҳисоблайман", - деди Холифилд.