17 янв 11:14
Янгиликлар

Бокс/ММА

Холлоуэй Макгрегор – Порье жуфтлигига захира бўлишга тайёрлигини айтди

Келаси якшанба тонгида Абу-Дабидаги "Жанглар ороли"да узоқ кутилган UFC 257 турнири бўлиб ўтади.

24 январь кунги ушбу турнирнинг марказий жангида икки вазн тоифасида собиқ UFC чемпиони, ирландиялик Конор Макгрегор америкалик Дастин Порьега қарши октагонга кўтарилади. Бу жанг Дастин учун реванш мақомида бўлади. У 2014 йил ўтказилган илк жангда Конорга нокаут билан ютқазганди.

Бугун Кэлвин Каттарни мағлубиятга учратган америкалик 29 ёшли Макс Холлоуэй бир ҳафтада тикланиб олиши ва айнан Конор Макгрегор – Дастин Порье жуфтлигида зарурат туғилса, кимнидир алмаштиришга тайёр эканлигини маълум қилди.