22 июл 07:41
Янгиликлар

Велоспорт

Холмуродов Италиядаги мусобақада кумуш медални қўлга киритди

Италиянинг ди Асколи Пицено шаҳрида велоспортнинг трек йўналиши бўйича “2 Gran Prix Citta’ Di Ascoli” турнири ўтказилмоқда.

Ушбу мусобақанинг бугунги кун беллашувлари терма жамоамиз учун муваффақиятли якунланди. Омниум йўналишида стартга чиққан ҳамюртимиз Муроджон Холмуродов мусобақанинг кумуш медалига сазовор бўлди.

Эътиборлиси, ушбу муваффақият орқали спортчимиз ўз ҳисобига Токио Олимпиадаси учун қимматли рейтинг очколарини ҳам қўшиб қўймоқда.