ХОҚ Олимпиадага йўл олган россияликларни қўшимча текширувдан ўтказади

Бу ҳақида ХОҚнинг муносабатлар бўйича директори Марк Адамс айтиб ўтди. 

"Биз рухсатнома қоидасини ўрнатдик. Халқаро спорт федерациялари ўз мусобақаларидаги спортчилар учун жавобгар бўладилар. Биз эса ўз тадбиримизга жавобгармиз. Шунинг учун, спортчиларни мусобақага қўйиш жараёнини диққат билан ўрганиш лозим. 

Агар жараён ҳақида гапирсак, фақатгина умумий жиҳатларни айтишим мумкин. Биз ХОҚ қоидаларига амал қиламиз. Париж Олимпиадасига саралашдан муваффақиятли ўтган спортчилар нейтрал мақомда иштирок этишлари учун қўшимча текширувлардан ўтказилади", - деди Адамс.

Эслатиб ўтамиз, аввалроқ россиялик спортчилар Париж Олимпиадасида нейтрал мақомда иштирок этиши ҳақида хабар қилинганди.