Хоразм вилоятидаги спорт инфратузилмаси ҳам ўрганилди ФОТОРЕПОРТАЖ

Расмийларга бу жараёнда вилоят ҳокимининг биринчи ўринбосари Муроджон Ачилов ҳамроҳлик қилди. 

Хоразм сафари Гурлан туманидаги спорт мактабини ўрганиш билан бошланди. Шундан сўнг Янгибозор туманидаги кураш маҳорати мактаби, Урганчдаги «Ёшлик» спорт мажмуаси ҳам кўздан кечирилди. Бунда ҳар бир ҳудудда бўлгани каби мазкур муассасаларининг фаолияти, ўқувчиларга яратилган шароитлар батафсил кўриб чиқилди. 

Шунингдек, асосий терма жамоаларга кўплаб иқтидорли атлетларни етиштириб бераётган Урганч Олимпия ва Паралимпия спорт турларига тайёрлаш маркази ҳам эътибордан четда қолмади. Ўрганиш ишлари давомида марказнинг ҳолати, қиш мавсумига тайёргарлик даражаси, тиббиёт бўлими ва машғулотлар жадвали билан батафсил танишилди. 

Сафар якунида вилоят ҳокимлиги, спорт бошқармаси мутасаддилари, федерацияларнинг ҳудудий вакиллари билан яқин ва ўрта давр учун режалар, Лос-Анжелес-2028 ёзги Олимпия ўйинларига тайёргарлик жараёни, унда аҳамият қаратиш лозим бўлган жиҳатлар борасида учрашув ўтказилди. Суҳбат давомида хоразмлик мутахассисларнинг таклифлари ўрганилиб, амалга оширилиши лозим бўлган вазифалар белгилаб олинди.