Хоразмда катта спорт сайли ўтказилди

Ушбу тадбирда 16 ҳил спорт туридан (картинг, велоспорт, дзюдо, таеквандо, кураш, бокс, спорт курашлари, каратэ, бадиий ва спорт гимнастикаси, байдаркада эшкак эшиш ва бошқалар) кўргазмали чиқишлар намойиш қилинди. Кун давомида «Ёшлик» спорт мажмуасининг заллари ва майдончаларида ўтказилган беллашувларда 16 000 га яқин ҳаваскор спортчилар иштирок этишди.

Ушбу спорт байрами вилоят ҳокими ўринбосари Санъат Салаев томонидан очиб берилди. Шундан сўнг Халқаро ва Республика миқёсда муваффақиятга эришган спортчилар иштирокида маҳорат сабоқлари намойиш қилинди. Хонандаларнинг ўзига хос чиқишлари тадбирга янада файз бағишлади.