Хоразмда “Ватанпарвар” ташкилоти ташкил топган кун нишонланди

Бинобарин, ушбу ташкилот юртимизда спортнинг техник ва амалий турларини ривожлантиришга муносиб улушини қўшиб келаётир. Жойларда ушбу сана муносабати билан кўплаб тадбирлар ўтказилди. 

Ўзбекистон мудофаасига кўмаклашувчи “Ватанпарвар” ташкилоти Хоразм вилояти кенгаши тасарруфидаги вилоят техник ва амалий спорт турлари марказининг ишчи-ходимлари ўртасида ҳам пневматик милтиқдан ўқ отиш спорти бўйича уюштирилган мусобақа ҳам ана шулар сирасидан, албатта. 

Ўтказилган беллашувлар иштирокчиларда катта қизиқиш уйғотди, уларга байрамона кайфият ҳам улашди. Якуний сарҳисобларга кўра, аёллар ўртасидаги биринчиликда омбор мудири Хосият Раҳматуллаева энг кўп очко тўплаб, шоҳсупанинг энг юқори поғонасини банд этди. 

Эркаклар ўртасида кечган мусобақада ҳайдовчилик бўйича амалий машғулот ўргатувчи уста Рустам Кенжаев рақибларига нисбатан анча моҳир мерган эканлигини исботлади.

Мусобақа ғолиб ва совриндорлари:

Аёллар

1. Хосият Раҳмутуллаева (омбор мудири) 

2. Дилафруз Матёқубова (бош ҳисобчи)

3. Мардона Салаева(тиббиёт ходими)

Эркаклар

1. Рустам Кенжаев                                            

2. Оллаёр Қурбонов

3. Умирбек Маткаримов (учаласи ҳам ҳайдовчилик бўйича амалий машғулот ўргатувчи уста)

Мусобақада энг яхши кўрсаткичга эришган ишчи-ходимлар мусобақа ташкилотчиси - Хоразм ВТАСТ маркази томонидан тақдирландилар.

Икром ХУДОЙБЕРГАНОВ, Урганч шаҳридан