Хоразмда “Ёшлар дафтари”га киритилган ёшлар беллашишди + ФОТО

Ўзбекистон Мудофаасига кўмаклашувчи “Ватанпарвар” ташкилоти Марказий кенгаши тизим фаолиятини янада юксалтириш, аҳолининг турли қатлами, хусусан, ёшлар ўртасида спортнинг техник ва амалий турларининг оммавийлигини ошириш, уларнинг жисмонан соғлом тарзда ҳаёт кечиришини таъминлаш мақсадида изчил ислоҳотлар олиб бораётир.

Жумладан, “Ёшлар дафтари”га киритилган ёшларни касбга йўналтириш, бунинг баробарида, спорт турлари билан шуғулланишларига кенг имконият ва шарт-шароитлар яратиб бериш борасидаги саъй-ҳаракатлар ўзининг ижобий самарасини бермоқда. Айниқса, улар ўртасида пневматик қуролдан ўқ отиш, ёзги биатлон ва дуатлон бўйича ўтказилаётган уч босқичли республика мусобақаси муҳим аҳамият касб этяпти.

“Ватанпарвар” ташкилотининг Хоразм вилоят  техник ва амалий спорт турлари маркази томонидан “Ёшлар дафтари”га киритилган ёшлар ўртасида юқорида қайд этилган спорт турлари бўйича уюштирилган вилоят босқичи ҳам ана шу эзгу амалларни рўёбга чиқишига хизмат қилади.

Икки кун мобайнида бўлиб ўтган пневматик қуролдан ўқ отиш, дуатлон ва ёзги биатлон беллашувларининг якуний сарҳисобларига кўра, умумжамоа ҳисобида Янгиариқ тумани ўқув спорт техника клуби шоҳсупанинг биринчи поғонасига кўтарилди. Иккинчи ўринни Хива тумани ЎСТК жамоаси эгаллаган бўлса, фахрли учинчи ўрин Шовот тумани ЎСТК жамоасига насиб этди.

Эндиликда, энг яхши натижа қўрсатган воҳалик спортчилар ноябрь ойининг иккинчи ўн кунлигида Тошкент вилоятида уюштириладиган республика босқичида ўз маҳоратларини синовдан ўтказишади.

Икром ХУДОЙБЕРГАНОВ, Хоразм вилоятидан