12 ноя 11:34
Янгиликлар

Футбол

Хорватиялик футболчи "Реал"нинг таклифини рад этди

Загребнинг "Динамо" клуби ярим ҳимоячиси Мартин Батурин "Реал"нинг таклифини қабул қилмади.

Мадрид жамоаси 21 ёшли футболчига беш йиллик шартнома таклиф қилди. Шунингдек, Батуриннинг трансфери учун 25 миллион евро тайёрлаб қўйилган. Бироқ футболчининг ўзи Мадрид жамоасига ўтишни истамади.

Мартинга "Реал"дан ташқари "Барселона", МЮ, "Атлетико" каби жамоалар жиддий қизиқиш билдирмоқда. Футболчининг ўзи ёзда Бундеслига жамоаларидан бирига ўтмоқчи. Хорватнинг фикрича, немис жамоалари унинг ривожланиши учун энг мукаммал вариант.