Хосеп Гвардиола Ҳусанов устида ишлаши керак бўлган жиҳат ҳақида гапирди

Таниқли инсайдер Фабрицио Романо Пепнинг терма жамоамиз ҳимоячиси ҳақидаги гапларини ўзининг ижтимоий тармоқдаги саҳифасига жойлаган.

“Ҳусанов яқин келажакда буюк футболчига айланиши мумкин. Бу унинг ўзи учун ва табиийки, биз учун ҳам жуда яхши ҳолат. Потенциали жиҳатидан имкониятлари кўзга ташланиб турибди. Абдуқодир тўп билан яхши муомала қилади. Тезлиги ҳам ўта юқори. Энди қарор қабул қилиш кўникмасини янада ривожлантиришимиз керак. Бу ҳолат унинг ёши билан ҳам боғлиқ”, - деди Пеп Гвардиола.