Хотамбек Бойназаров UAE Warriors турнирида ғалаба қозонди, Ҳумоюн Тўхтамуродов ҳам узоқ муддатдан сўнг қайтди

Ўрта вазн тоифасидаги спортчимиз Хотамбек Бойназаров Абу-Дабида (БАА) бўлиб ўтган UAE Warriors 51 турнирида грузиялик Гиорги Эгнаташвили билан жанг қилди ва очколар ҳисобига ғолиб деб топилди.

Бу орқали Бойназаров фаолиятидаги тўққизинчи жангида тўққизинчи ғалабасини нишонлади.

Шунингдек, кеча Қозоғистоннинг Актау шаҳрида Naiza 64 турнири бўлиб ўтди. Унда икки нафар ҳамюртимиз жанг қиллди.

Жумладан, Бахтиёр Халилов (3-0) россиялик Девид Гобозовни биринчи раундда техник нокаут орқали таслим этди. Бундан ташқари, таниқли Ҳумоюн Тўхтамуродов (8-3) катта танаффусдан сўнг яна октагонга қайтди. У қозоғистонлик Наиль Михайловга қарши кечган баҳсда илк раундда сабмишен орқали зафар қучди.