“Хотира ва қадрлаш куни”га бағишлаб фахрийлар ўртасида мусобақа ўтказилди

Спортни янада оммалаштириш, соғлом турмуш тарзини тарғиб этиш йўлида мусобақалар мактабгача таълим муассаларидан бошланиб, фахрийлар ўртасидаги турнирлар билан давом этттирилмоқда.

Кеча ана шундай тадбирлардан бири шахмат бўйича Республика ихтисослаштирилган болалар-ўсмирлар спорт мактабида фахрийлар ўртасида ташкил қилинди. Шахмат, шашка ва стол тенниси каби спорт турлари бўйича “Хотира ва қадрлаш куни”га бағишлаб ташкил этилган ўзига ҳос мусобақада 100 нафарга яқин фахрий спортчи ўзаро беллашдилар.

Қизғин ва дўстона руҳда ўтган баҳсларда кучли учликка кира олган фахрийларга Миллий олимпия қўмитасининг диплом ва эсдалик совғалари топширилди. Ушбу тадбир иштирокчи спортчиларга олам-олам завқ бағишлади.

Эътиборингизга беллашувларда совриндор бўлган спортчилар рўйхатини тақдим этамиз:

Стол тенниси:

1-ўрин: Д.Муродходжаев
2-ўрин: И.Абдумуталов
3-ўрин: А.Сематин

Шашка:

1-ўрин: А.Тоштемиров
2-ўрин: Х.Азизов
3-ўрин: А.Бутузов

Аёллар:

1-ўрин: О.Аҳмедова
2-ўрин: С.Абдулина
3-ўрин: Г.Ҳолматова

Шахмат:

1-ўрин: Л.Ким
2-ўрин: В.Егин
3-ўрин: В.Василенко