Хргович, Бивол, Уайлдер ва бошқа юлдузлар Саудия Арабистонида рингга чиқди (Барча натижалар битта саҳифада)

Оқшомнинг марказий жангида оғир вазн тоифасида WBC собиқ чемпиони, америкалик Деонтей Уайлдер Хитой вакили Чжан Чжилей билан тўқнаш келди.

Co main event'да эса хорватиялик чарм-қўлқоп устаси Филипп Хргович Даниель Дюбуага қарши рингга чиқди.

Бундан ташқари, оқшом доирасида ярим оғир вазн тоифасида WBA ва IBO камари соҳиби, россиялик Дмитрий Бивол, ярим енгил вазнда WBA чемпиони, ҳамюртимиз Отабек Холматовни мағлуб этган америкалик Раймонд Форд жанг қилди.

Шунингдек, турнир доирасида Quinsberry (Френк Уоррен) ҳамда Matchroom (Эдди Хирн) промоутерлик компаниялари 5 га 5 форматида бокс қарама-қаршилигини ташкил этди. Унда Quinsberry Matchroom устидан 10:0 ҳисобида ғалаба қозонди.

Ушбу саҳифа орқали мусобақада қайд этилаётган натижалардан онлайн равишда бохабар бўлиб боришингиз мумкин бўлди.

Quinsberry 10-0 Matchroom 

Марказий жанг, оғир вазнда: Чжилей Чжанг (Хитой, 27-2-1) - Деонтей Уайлдер (АҚШ, 43-4-1), (5-раундда КО-ТКО);

Оғир вазнда: Даниель Дюбуа (Буюк Британия, 21-2-0) - Филипп Хргович (Хорватия, 17-1-0), (8-раундда КО-ТКО); 

Ярим оғир вазнда WBA ва IBO камарлари учун: Дмитрий Бивол (Россия, 23-0-0) - Малик Зинад (Ливия, 22-1-0), (6-раундда КО-ТКО); 

Ўрта вазнда: Ҳамза Шераз (Буюк Британия, 20-0-0) - Остин Уильямс (АҚШ, 16-1-0), (11-раундда КО-ТКО); 

Ярим енгил вазнда WBA камари учун: Раймонд Форд (АҚШ, 15-1-1) - Ник Болл (Буюк Британия, 20-0-1), (Очколар ҳисобига кўра); 

Ярим оғир вазнда: Вилли Хатчинсон (Шотландия, 18-1-0) - Крейг Ричардс (Буюк Британия, 18-4-1), (Очколар ҳисобига кўра).