Хуршид Тожибоев Қозоғистонда навбатдаги жангини ўтказди

Мазкур жангда Тожибоевга индонезиялик Исаак Жуниор рақиблик қилди. 6 раундга мўлжалланган жанг тўлиқ давом этди. Якунда ғолиб очколар ҳисобига кўра аниқланди. Ҳакамлар бир овоздан Хуршид Тожибоевнинг 60:54, 60:54, 60:54 ҳисобидаги ғалабасини қайд этишди. Шу тариқа, Тожибоев профессионал боксдаги тўртинчи ғалабасини қайд этди.

Эслатиб ўтамиз, Хуршид Тожибоев шу кунгача проф боксда уч маротаба жанг ўтказиб, уларнинг ҳар уччаласида ҳам рақибларини мағлубиятга учратганди (2 та нокаут). Жуниор эса бунгача 42 маротаба профессионал боксда жанг олиб борган. У жангларининг 26 тасида ғалаба қозонган (9 т нокаут). 13 та баҳсда мағлуб бўлган (6 та нокаут). Шунингдек, 3 та жангида дуранг қайд этган.