23 июл 08:26
Янгиликлар

Спорт курашлари

Хуршида Қосимова Жаҳон чемпионати совриндори + ФОТО

Венгрия пойтахти Будапешт шаҳрида ўсмирлар ўртасида эркин, юнон-рум ва аёллар кураши бўйича жаҳон чемпионати давом этмоқда.

Ушбу нуфузли мусобақада Ўзбекистон терма жамоаси курашчилари ҳар уччала йўналишда юртимиз шарафини ҳимоя қиляптилар. Аёллар кураши баҳсларида юртимиз шарафини ҳимоя қилган Хуршида Қосимова бронза медалини қўлга киритди.

65 кг вазнда гиламга чиққан қорақалпоғистонлик курашчи қизимиз бронза медали учун кечган беллашувда украиналик Дарья Константиновадан 8-3 ҳисобида устун келди.

Бугун яна бир курашчимизда бронза медалини қўлга киритиш имконияти бор. 61 кг вазндаги вакиламиз Улмекен Есенбаева ўтиш баҳсида хорватиялик Алесиа Марселич билан учрашади. Ғалаба қозонган тақдирда у бронза медали учун ҳиндистонлик Нитика Нитикага қарши гиламга чиқади.