Хушхабар: Боксчилармиз Токио Олимпиадасига яна 4 та лицензияни қўлга киритишди

"Бир хушхабарни айтмоқчиман, жамоамиз рейтинг бўйича Токио Олимпиадаси учун яна 4 та йўлланмага эга бўлди. Эркаклар ўртасида -75 кг вазнда Фанат Қаҳрамонов, -81 кг вазнда Дилшод Рўзметов, шунингдек, ўз вазн тоифаларида юқори поғонада турган яна 2 нафар қизимиз Токио Олимпиадасида иштирок этишади", - деди Полатов.

Бир неча кун аввал ижтимоий тармоқларда 2 нафар эркак, 3 нафар аёл боксчимиз лицензия олгани ҳақида маълумотлар тарқалган эди. Бугун 3 нафар эмас, 2 нафар аёл боксчимиз Токиога бориши тасдиқланди.

Оlamsport.com сайтига маълум бўлишича, Шахноза Юнусова (-69 кг) ҳамда Райхона Қодирова (-60 кг) рейтинг орқали Олимпиадага йўлланма олган.

Умумий ҳисобда Ўзбекистон боксчилари 11 нафар боксчи билан (8 нафар эркак, 3 нафар аёл) Токио Олимпиадасига боради.