Хушхабар: Париж-2024 ёзги Паралимпия ўйинларига дастлабки лицензиялар қўлга киритилди!

Қувонарлиси, аёллар ўртасида Т11 классида узунликка сакраш баҳсларида юртимиз шарафини ҳимоя қилган Асила Мирзаёрова 5 метр 13 см натижа билан олтин медални қўлга киритди.

Эътиборлиси, Токио-2020 ёзги Паралимпия ўйинлари кумуш медали соҳиби Асила Мирзаёрова жаҳон чемпионатидаги ушбу натижаси орқали келгуси йил Парижда бўлиб ўтадиган ёзги Паралимпия ўйинларига ҳам лицензияни қўлга киритди.

Бу пара енгил атлетикачиларимиз орасида Париж-2024 Паралимпия ўйинлари учун илк лицензияга айланди.

Шунингдек, аёллар ўртасида F41 классида ядро улоқтириш баҳсларида иштирок этган ҳамюртимиз Кубаро Ҳакимова 9 метр 83 см натижа билан кумуш медални қўлга киритди. Бу ёш ва иқтидорли пара атлетимиз ҳам ушбу натижа орқали Париж-2024 ёзги Паралимпия ўйинларига лицензияни нақд қилиб қўйди.