Якшанба – оммавий спорт куни

Лойиҳа Ўзбекистон ёшлар иттифоқи Тошкент шаҳар кенгаши томонидан Президентимизнинг жорий йил 20 сентябрдаги жисмоний тарбия ва спорт соҳасини ривожлантириш масалаларига бағишланган йиғилишида белгилаб берилган устувор вазифалар ижроси доирасида ўтказилди.

Мирзо Улуғбек номидаги Ўзбекистон миллий университети ва Тошкент давлат техника университети талабалари учун тонгги бадантарбия ҳамда футбол, волейбол, сузиш, столь тенниси, армрестлинг мусобақалари ўтказилди.
Спорт тадбирлари Ришод Собиров ҳамда Жакартада ўтказилган 18-Осиё ўйинлари совриндори Дарья Латышева томонидан олиб борилди.
Уч минг нафарга яқин ёшларни қамраб олган “Якшанба – оммавий спорт куни” лойиҳаси эндиликда мунтазам ўтказиб борилади.

Бундан ташқари, жорий йилнинг 1-6 октябрь кунлари пойтахтимизнинг 86 та объектида 400 га яқин оммавий спорт тадбирлари ўтказилиши режалаштирилмоқда.