06 ноя 14:23
Янгиликлар

Теннис

Якуний турнир. Алекс Де Минаур ҳам ғалаба билан бошлади

Хабар берганимиздек, Италиянинг Милан шаҳрида 21 ёшгача бўлган дунёнинг саккиз нафар энг кучли ёш теннисчилари иштирокидаги йилнинг Якуний турнири бўлиб ўтмоқда.

Дунёнинг 18-ракеткаси, австралиялик Алекс Де Минаур гуруҳ босқичининг илк учрашувида рейтингнинг 87-поғонасидан жой олган испаниялик Алехандро Давидович Фокинага қарши кортга чиқди ва 4/2, 3/4(5), 4/1, 4/1 ҳисобида ғалаба қозонди.

Теннисчилар кортда 1 соату 31 дақиқа давомида ҳаракат қилишган. Бу вақт оралиғида 20 ёшли Де Минаур 3 та, унинг испаниялик рақиби эса бор йўғи 1 та эйс зарбасини амалга оширган. Теннисчиларнинг ўзаро учрашувларидаги ҳисоб мувозанати тикланди - 1:1.