13 июл 22:49
Янгиликлар

Бокс/ММА

Яна бир боксчимиз проф фаолиятини бошлайди, унга Шоҳжаҳон Эргашев ёрдам беради + ФОТО

Фаолиятини профессионал боксда давом эттириш истагини билдираётган чарм қўлқоп усталаримиз сони ортиб бормоқда.

Ҳаваскор боксда тобланган Мирзакамол Мирзанеъматов профессионал боксдаги дебют жангини ўтказади. Фарғона вилояти Бешариқ туманилик Мирзакамол 5 сентябрь куни Россия Федерацияси пойтахти Москва шаҳрида ташкил этиладиган профессионал бокс кечасида рингга кўтарилади. Унинг рақиби мезбон боксчи бўлади ва тез орада унинг исм-шарифи ошкор қилинади.

Маълумот учун, Мирзакамол Мирзанеъматов айнан Москва шаҳрида Шоҳжаҳон Эргашев томонидан очилган Shohjahon Gym залида ўз машғулотларини олиб боради. Эртага Москвага жўнаб кетиши кутилаётган Шоҳжаҳон бўлажак жангга тайёргарлик кўришида Мирзакамолга ёрдам беради.