Янги ўқув йилига тайёргарлик масалалари муҳокама қилинди

Шу билан қаторда спорт мактабларида ҳам янги ўқув йилига тайёргарлик жараёнлари амалга оширилмоқда.

Куни кеча Тошкент шаҳар жисмоний тарбия ва спорт бошқармаси мутасадди ходимлари иштирокида 2020/2021 ўқув йилига тайёргарлик бўйича бошқарма тасарруфидаги спорт таълим муассасалари ўқув ишлари бўйича директор ўринбосарлари учун 1-кунлик ўқув амалий семинар (август кенгаши услубида) ўтказилди.

Мазкур йиғилишда янги ўқув йилига гуруҳларни жамлаш, педагогик юкламалар (дарс соатларни тақсимлаш), ўқув машғулот жараёнларни онлайн ёки офлайн тарзида ташкил этиш, ўқув ишларига оид меъёрий ҳужжатларни юритилиши, ўқувчи-спортчиларни гуруҳдан-гуруҳга ўтказиш, тренер ва услубчиларни ҳамда спортчиларга тоифа ва разрядлар бериш ҳамда спорт турлари бўйича дастурлар ташкил этиш каби масалалар кун тартибидан ўрин олди.