27 дек 07:01
Янгиликлар

Дзюдо

Янги қоидалар бўйича терма жамоа аъзолари учун семинар ўтказилди

Хабарингиз бор, яқинда Туркиянинг Истанбул шаҳрида ҳакамлар учун халқаро техник семинар ўтказилганди.

Халқаро дзюдо федерацияси (IJF) томонидан ташкил этилган икки кунлик семинарда қоидаларга киритилган ўзгаришлар рефериларга етказилган эди. Унда Олимпия тоифасидаги рефериларимиз Рамзиддин Саидов, Вячеслав Перетейко, Ўзбекистон дзюдо федерацияси Ҳакамлар ҳайъати раиси Баҳодир Узакберганов, мураббийлар Тоҳир Файзиев, Искандар Расулов, Азиз Тошматов ва Раҳим Субҳонов ҳам иштирок этганди.

Остонада турган 2025 йилги мавсумдан эътиборан ўтказиладиган катталар ва ёшлар ўртасидаги мусобақаларда ушбу янги қоидалар кучга киради. Шу мақсадда Истанбулдаги халқаро семинарда қатнашиб қайтган рефери ҳамда мураббийларимиз терма жамоамиз дзюдочилари учун назарий ва амалий машғулот ташкил этишди. Семинарда янги қоидалар бўйича батафсил маълумот берилди.