30 дек 09:47
Янгиликлар
Бошқалар
Янги йил олдидан спорт фахрийларига байрам совғалари улашилди
Ўзбекистон спорт фахрийлари кенгаши томонидан байрамлар олдидан яхши бир анъана йўлга қўйилган.
Кенгаш раиси Баҳодир Махситов бошчилигидаги масъуллар узоқ йиллар спортимиз ривожига ҳисса қўшган фахрийлар ҳолидан хабар олиб, уларга байрам совғалари тақдим этишади. Ушбу хайрли иш бу гал ҳам давом этди.
Кенгаш вакиллари кексалик чоғида умргузаронлик қилаётган 70 нафарга яқин ана шундай фахрийлардан хабар олишди. Улар билан суҳбатлашишди ва ҳомийлар томонидан ажратилган эсдалик совғаларини тақдим этишди. Қолаверса, бир гуруҳ спорт фахрийлари учун байрам дастурхони ёзилиб, уларнинг оила-аъзоларига ҳам қувонч улашилди.
Ўз навбатида, спортимиз фидойилари кўрсатилган бундай эътибор ва ғамхўрликдан мамнун бўлиб, юртимиз тинчлиги, халқимиз фаровонлиги ва Президентимиз саломатлиги учун дуо қилишди.
Ҳавола :
Манба : olympic.uz
Фикрлар