Янгиланган ФИФА рейтингида Ҳиндистон Ўзбекистондан ўтиб кетади

Ушбу рейтингда Бельгия ва Франция терма жамоалари пешқадам бўлишади. Иккала жамоа ҳисобида 1729 очко бўлади. Бу ҳақда Алишер Никимбаев телеграмдаги ўз каналида маълум қилди.

Осиёда Эрон пешқадамликни сақлаб қолади - 33-ўрин. Кейинги ўринларда Австралия (43), Япония (54), Жанубий Корея (55), Саудия Арабистони (71), Сурия (74), Хитой (76), Ливан ва БАА (иккиси 77), Уммон (85), Ироқ (89), Қирғизистон (91), Ҳиндистон (94), Қатар (95) ва Ўзбекистон (97) жойлашади.

Бундан келиб чиқадики Ўзбекистон терма жамоаси икки поғона пастлайди ва Осиё қитъасида 15-ўринга тушади. Айни пайтда Ўзбекистон умумий рейтингда 95-ўринда бормоқда.

Эслатиб ўтамиз, Эктор Купер бошчилигидаги Ўзбекистон терма жамоаси сентябрь ойи бошида Сурия (1:1) ва Эрон (0:1) билан ўртоқлик учрашувларини ўтказди.