Янгиланган WBA рейтингидан 8 боксчимиз жой олди. Мадримов чемпион, 3 нафари 1-ўринда!

Ушбу рейтингдан 8 нафар боксчимиз ўрин олган. Февраль ойи рейтингида 1-ўринни эгаллаб турган Исроил Мадримов ҳозирда WBA чемпиони. Биринчи ўриндан америкалик Вержил Ортиз жой олган. Исроилга чемпионлик жангида ютқазган россиялик Магомед Курбанов 6-поғонани банд этган. Жермалл Чарло эса нафақадаги чемпион мақомида бўлиб турибди.    

Рўйхатда янги ном - Муҳаммад Шеховни кўриш мумкин. Бухоролик боксчимиз жангларини асосан Россияда ўтказади. Ўша ерда жангларга тайёргарлик кўради. Барча расмий рейтингларда Ўзбекистон номидан рингга чиқади. 

Рейтингдаги ўзбек боксчилари:

Ҳасанбой Дўсматов - (минимал вазн) 1-ўрин (ўтган ойда 2-ўрин;)

Муроджон Аҳмадалиев (биринчи ярим енгил вазн) - ўтган ойдаги сингари 1-ўрин;

Муҳаммад Шехов (биринчи ярим енгил вазн) - 10-ўрин

Отабек Холматов (ярим енгил вазн) - 4-ўрин (у ўтган ойда 1-ўринда эди;)

Ботир Аҳмедов (супер енгил вазн) - 7-ўрин (ўтган ой ҳам 7-ўринда эди);

Шаҳрам Ғиёсов (яримўрта вазн) - ўтган ойдаги сингари 1-ўрин;

Исроил Мадримов (супер ярим ўрта вазн) - вазн чемпиони;

Бектемир Мелиқўзиев (супер ўрта вазн) - 5-ўрин (ўтган ой ҳам 5-ўринда эди).