26 ноя 09:18
Янгиликлар

Каратэ

Япония терма жамоаси мураббийлари каратэчиларимиз учун мастер-класс ўтказди ФОТОГАЛЕРЕЯ

Ўзбекистон ва Япония мамлакатларининг спорт соҳасидаги ҳамкорлиги доирасида Кунчиқар юрт каратэ усталарининг мамлакатимизга ташрифи амалга оширилди.

Шинжи Нагаки (5-ДАН қора белбоғ соҳиби), Макото Хосоя (4-ДАН) ва Риосуке Шимизу (4-ДАН) икки кун давомида юртимиз каратэчилари учун мастер-класс, яъни маҳорат сабоқларини намойиш этишди.

Спортчи сифатида жаҳон ва бир неча маротаба Осиё чемпиони бўлган Шинжи Нагаки айни пайтда каратэ WKF бўйича Япония терма жамоаси бош мураббийи ҳисобланади. Мураббий сифатида 10 нафар жаҳон чемпионларини тарбиялаган.

Макото Хосоя ва Риосуке Шимизу эса Япония терма жамоасида Нагакига мураббийлар штабида ёрдам беришади. Бу икки мутахассис ҳам кўплаб жаҳон ва Осиё чемпионларининг устози ҳисобланади.